Agora que xa
sabemos algunha cousa dos bichos, imos investigar coa axuda das familias sobre
algún insecto coñecido como a xoaniña e
outros moi raros como a vacaloura ou incluso o insecto pau. Durante unha semana
buscamos información e recollímola nunha lámina de rexistro de información que logo
presentamos aos compañeiros, aprendendo un montón de cousas novas.
Aqui van algunhas
fotiños.
Chegou unha nova
profe a aula e necesitou uns días para coller as rutinas da aula, agora parece
que xa se adaptou así que imos empezar a facer traballiños, que nos gustan
moito e sempre llos estamos a pedir.
Nos nosos recunchos que organizou a profe María, temos un montón de cousiñas para xogar e aprender: a cociña, os pinchos, as pezas de ensamblaxe, a plastilina, os coches, a caixa de animais e... 5 bichos que non coñecemos, a profe, que estaba moi atenta preguntounos os seus nomes... pero nos non os coñecemos, así foi como comezamos a investigar sobre os... BICHOS.
Aproveitamos á asemblea
para reflexionar sobre o que sabemos deses bichos da aula, achegando así os nosos
coñecementos previos e dar un punto de partida ó novo proxecto.
Fixemos unha
actividade de clasificación dos diferentes animais da caixa para ver
cales podemos agrupar con cales e así coñecer algunhas das características dos
bichos.
Facemos o visionado dun video sobre as formigas onde nos explican algunhas das súas
características.
Tamén escoitamos unha canción sobre as formigas que nos gustou moito.
Rematamos coas actividades iniciais facendo un debuxo inicial sobre o que sabemos dos bichos.
