Como estamos metidos de cheo no outono, non podiamos deixar de lado os froitos tan propios desta época. Falamos sobre os que xa coñecemos (uvas, peras, mazás, kiwis, noces, cabazas...), cales nos gustan, cales non e aproveitamos para coñecer uns novos e saborealos.
Neste caso, tocounos experimentar coa GRANADA e co CAQUI, dous froitos que están moi presentes en case tódolos supermercados e son moi saborosos. Primeiro tocámolos, miramos a súa textura, o seu peso e observamos a súa cor, para logo abrilos pola metade para poder comparar e ver as diferenzas.
Despois de toda unha análise detallada, tocounos saborear estes dous manxares, non todos quixemos probalos. Uns probamos todo, outros só probamos a granada, outros o caqui e un non quixo probar, porque non lle gustan os froitos.
O que máis nos gustou á maioría foi a GRANADA, polo que non vos sorprenda se vola pedimos na casiña.
Ningún comentario:
Publicar un comentario